Atyraý oblysynyń Qulsary qalasynda kólik terezesinen denesin shyǵarǵandar jazalandy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, 13 maýsymda Qulsary qalasynyń ortalyq kóshesinde eki adam qozǵalyp bara jatqan kóliktiń terezesinen denesin shyǵaryp, tý ustap turǵan.
Jolda júrý erejesin saqtamaǵandar Jylyoi aýdandyq politsiia bóliminiń jedel basqarý ortalyǵynyń beinekamerasyna túsken.
Videoda eki azamattyń kólik terezesinen denesin shyǵaryp, memlekettik týdy ustap turǵanyn kórýge bolady.
«Osyǵan orai patrýldik politsiia qyzmetkerleri «Toyota Ipsum» kóliginiń júrgizýshisi men eki jolaýshyǵa qatysty QR Ákimshilik quqyqbuzýshylyq týraly Kodeksiniń 593-shi jáne 619-babymen ákimshilik hattamalar toltyrdy» -dep habarlady departamenttiń baspasóz qyzmeti.
