Mańǵystaýda qýańshylyqqa bailanysty tótenshe jaǵdai jariialanbaidy. Bul týraly Qoǵamdyq kommýnikatsiia ortalyǵynda ótken brifingide Mańǵystaý oblysy tótenshe jaǵdailar departamenti basshysynyń orynbasary Bekbolat Ábdiqadyrov málim etti, dep habarlaidy "Ult aqparat".
Onyń aitýynsha, tabiǵi sipattaǵy tótenshe jaǵdaidy jariialaýda birqatar kriteriige basa nazar aýdarý qajet.
«Qazaqstan Respýblikasy Tótenshe jaǵdailar ministrliginiń 2021 jylǵy 3 naýryzdaǵy №107 «Qazaqstan Respýblikasy Tótenshe jaǵdailar ministrliginde kezekshi qyzmetterdiń jumysyn uiymdastyrýdyń jáne aqparattyń ótý tártibiniń keibir máseleleri týraly» buiryǵy negizinde mynadai kriteriilerge sáikes tabiǵi sipattaǵy tótenshe jaǵdaidy jariialaýǵa bolady. 2.4. tarmaq «Meteorologiialyq jáne agrometeorologiialyq qaýipti qubylystar» 2.4.12. tarmaqsha «Qurǵaqshylyq» - ósimdikterdiń zaqymdanýyn týǵyzatyn 20 nemese odan da kóp kúnge kúndiz aýanyń salystyrmaly ylǵaldylyǵy 30%, topyraq qabatynyń sý qory
Baspasóz konferentsiiasyna «Qazgidromet» RMK Mańǵystaý oblysy boiynsha filialy direktorynyń orynbasary Nurlan Sársenbaev ta qatysty.
Onyń aitýynsha, óńirde aýa jaǵdaiy kúndelikti baqylanady. Baqylaý beketteriniń málimetine sáikes, aimaqta ylǵaldylyqtyń uzaq merzimdi jaǵdailary bolǵan joq.
«Osy kúnge deiin Mańǵystaý oblysynda atmosferalyq aýanyń 30% -dan tómen salystyrmaly ylǵaldylyǵy 20 kún qatarynan tirkelgen joq. Bizdiń qasymyzda Kaspii teńizi ornalasqan. Ystyq aýa raiynda sý býlanyp ketedi, sáikesinshe aýa ylǵaldy bolady», - dedi Nurlan Sársenbaev.
