- Memleket basshysynyń kólik infraqurylymynyń strategiialyq nysandarynyń joǵary deńgeidegi qaýipsizdigin qamtamasyz etý týraly tapsyrmasy boiynsha QR Premer-Ministri Kárim Másimov jumys sapary aiasynda Atyraý áýejaiyn tekserdi.
Qazaqstan úshin jańa faktor - terrorizm qaterin eskerýmen jumysta qaýipsizdik sharalaryn kúsheitý týraly ókim biylǵy jylǵy 10 maýsymda Aqtóbede jáne 18 shildede Almatyda oryn alǵan oqiǵalardan keiin adamdar kóptep jinalatyn barlyq nysandarǵa jiberildi. Áýejailardaǵy qaýipsizdik máseleleriniń bul turǵyda mańyzy zor.
Oblys ákimimen birge K.Másimov halyqaralyq sektor jolaýshylarynyń ushyp kelý jáne ushyp ketý zalyn, sondai-aq jalpy kútý zalyn aralady. Premer-Ministr áýejai jumysy týraly baiandamany tyńdady, sonymen qatar aerovokzal ǵimaratyna qosymsha salynatyn ǵimarat qurylysynyń bekitilgen jobasymen tanysty, dep jazady Pm.kz.
Áýe ailaǵynyń jalpy aviatsiialyq qaýipsizdigi qaýipsizdik jáne tekserý bólimshelerinen turatyn aviatsiialyq qaýipsizdik qyzmetimen qamtamasyz etilgen.
Áýejaida jolaýshylardy, olardyń qoljúkterin, joljúkterin jáne júkterdi tekserý arnaiy tehnikalyq quraldarmen: qoljúgin, joljúgin, júkti jáne poshta jóneltimderin ashpai-aq qarap tekserý jumystaryna arnalǵan rentgendi qurylǵy jáne adam denesinde nemese kiiminde jasyrylǵan metall zattardy anyqtaityn qurylǵy arqyly júzege asady.
Aimaqtarǵa sapary barysynda Kárim Másimov kólik infraqurylymy nysandarynyń, ásirese, áýejailardyń qaýipsizdik máselelerine erekshe nazar aýdarady. Osyǵan deiin Premer-Ministr Aqtóbe, Qaraǵandy, Taldyqorǵan, Qostanai, Pavlodar áýejailaryn tekserip, Petropavl áýejaiyn qaita qalpyna keltirý jumystarymen tanysty.
