Foto: Pexels.com
QR Parlamenti Májilisinde usynylǵan jańa zań jobasynda jekemenshik mektepterde áleýmettik osal otbasylar sanatyndaǵy balalarǵa áleýmettik kómek kórsetýdi engizý kózdelgen, dep habarlaidy Ult.kz ministrliktiń baspasóz qyzmetine silteme jasap.
Oqý-aǵartý ministri Ǵani Beisembaev QR Parlamenti Májilisinde «Qazaqstan Respýblikasynyń keibir zańnamalyq aktilerine bilim berý jáne balanyń quqyqtaryn qorǵaý máseleleri boiynsha ózgerister men tolyqtyrýlar engizý týraly» Zań jobasyn tanystyrdy. Zań jobasynda bes novella qarastyrylǵan, olardyń biri áleýmettik osal otbasylardyń shyqqan sanatyndaǵy balalardy qamtidy.
«Jeke mektepterde oqityn áleýmettik osal otbasylardan shyqqan balalar úshin memlekettik bilim berý tapsyrysy sheńberinde áleýmettik kómek kórsetý kózdeledi. Búgingi tańda jalpyǵa birdei bilim berý aiasynda memlekettik mektepterde oqityn áleýmettik sanattaǵy 500 myńnan astam balaǵa kiim, mektep kerek-jaraqtary men tamaq satyp alýǵa kómek kórsetiledi. Áleýmettik sanattaǵy barlyq balalarǵa kómek kórsetý maqsatynda menshik nysanyna qaramastan mektepterde kómek kórsetý boiynsha jergilikti atqarýshy organdardyń quzyreti engiziledi», - dedi Ǵani Beisembaev.
Tanystyrý barysynda ministr zań jobasynyń basqa da jańalyqtaryna toqtaldy. Bul - qosymsha bilim berý uiymdary úshin ruqsat qujattaryn usyna otyryp, óz qyzmetiniń bastalǵany nemese toqtatylǵany týraly habarlama tártibin engizý, tehnikalyq jáne kásiptik bilim berý uiymdarynda onlain-oqytý men akademiialyq utqyrlyq qaǵidatyn engizý.
