Foto: Polisia.kz
Búgin el boiynsha ishki ister organdarynyń qyzmetkerleri respýblikalyq referendýmnyń qaýipsiz ótýin qamtamasyz etedi. Barlyq jeke quram kúsheitilgen qyzmet rejimine kóshirildi. Bul týraly OKQ alańynda ótip jatqan «Referendým – 2026» onlain-marafony barysynda QR IIM resmi ókili Shyńǵys Álekeshev habarlady.
Onyń aitýynsha, basshylyq jáne komandalyq quram – táýlik boiy kezekshilik atqarady. Memlekettik organdarmen birlesip referendým ýchaskeleri aldyn ala tekserildi. Olardyń tehnikalyq qaýipsizdigi, órt qaýipsizdigi jáne terrorizmge qarsy qorǵanysy qaraldy. Barlyq ýchaskeler táýlik boiy baqylaýǵa alyndy.
«Politsiia qyzmetkerleri daýys berý zaldarynda bolmaidy. Olar tek komissiia tóraǵasynyń shaqyrýymen jáne qoǵamdyq tártip buzylǵan jaǵdaida ǵana kire alady. Qazirgi ýaqytta eldegi jaǵdai – turaqty, tolyq baqylaýda. Qoǵamdyq tártip buzý faktileri tirkelgen joq. Ishki ister ministrligi – azamattardy zańdy saqtaýǵa jáne qaýipsizdik sharalaryna túsinistikpen qaraýǵa shaqyrady», – dedi Sh.Álekeshev.
