"Qazaqstan boks federatsiiasy Rio Olimpiadasynyń finalynda oryn alǵan Levit pen Tishenko jekpe-jegindegi daýǵa qatysty pikirimen bólisti", - dep habarlaidy QazAqparat.
«Barsha qazaqstandyqtar sekildi biz de sol kezdesýdi tamashalaǵan bolatynbyz, Vasiliidiń finaldyq jekpe-jegin qarap, taqym qystyq, Vasilii Levit jeńiske jetti dep sanaimyz, alaida tóreshilerdiń sheshimi basqa boldy. AIBA prezidenti Ching Kýo-Vý málimdegenindei, qandai bolsa da, qazylardyń sheshimin syilaý qajet. AIBA erejesi boiynsha, qazylar sheshimine qatysty shaǵymdar qabyldanbaidy, sondyqtan óz qarsylyǵymyzdy bildirgen joqpyz. Bizdiń federatsiia AIBA júiesinde, AIBA - ulttyq federatsiialarǵa jetekshilik etetin uiym. Sondyqtan biz odan asyp kete almaimyz. Bizge kelesi Olimpiadada, álem chempionattarynda, Aziia birinshilikterinde birge jumys isteýge týra keledi. Sol sebepti AIBA saiasatyn ustanýymyz kerek», - dep atap óti QBF qazylar komissiiasynyń tóraǵasy Aslan Igýbaev.
Eske sala keteiik, Rio Olimpiadasynyń finalynda qazaqstandyq boksshy Vasilii Levit reseilik sportshy Evgenii Tishenkoǵa qarsy kezdesý ótkizdi jáne tóreshilerdiń sheshimimen 1:2 esebimen jeńilis tapty. Degenmen, reseilik boksshyny buryshtan-buryshqa qýalap júrip urǵan qazaqstandyqqa barsha álem qoldaý bildirip, jekpe-jektiń ádil ótpegenine narazylyq tanytýda.
