Búgin fýtboldan Premer-liga komandalary arasyndaǵy el birinshiliginiń 13-týry máresine jetti, dep habarlaidy "Ult aqparat".
Atalǵan týrdy túiindegen eki oiynnyń birinde Qostanaidyń «Tobyly» syrt alańda Qaraǵandynyń «Shahter» komandasymen kezdesti.
Atalǵan kezdesýde qostanailyq klýb sapynan Ashat Taǵybergen 30, 56-minýttarda qos goldyń avtory atandy.
Al 81-minýtta onyń komandalas áriptesi Elgýdja Lobjanidze qorytyndy esepti belgiledi.
Osylaisha «Tobyl» qarsylasyn 3:0 esebimen tize búktirdi.
Dál osyndai eseppen «Kaspii» syrt alańda Oraldyń «Aqjaiyq» klýbynan basym tústi.
Bul kezdesýde atyraýlyq komanda sapynan Ýadjdi Sali 37, David Karaev 68, Rýslan Saqalbaev 90-minýttarda kózdegen nysanadan múlt ketken joq.
Eske salsaq, atalǵan týrdaǵy úsh oiyn keshe, 23 mamyrda ótkizildi. Alǵashqy oiynda «Jetisý» «Qaisardan» 2:0 esebimen basym tússe, «Turan» syrt alańda «Aqtóbeni» 1:0 esebimen tize búktirdi.
Al «Astana» men «Qairat» arasyndaǵy kezdesý 1:1 esebimen aiaqtaldy.
Sondai- aq, búgin «Ordabasy» men «Taraz» 1:1 esebimen teń tússe, Petropavlda jergilikti «Qyzyljar» «Atyraýǵa» 0:1 esebimen jol berdi.
Atalǵan týrdan keiin 33 upaimen «Astana» kósh bastap keledi. Odan keiingi oryndardaǵy «Tobyldyń» 28, «Qairattyń» 21 upaiy bar.
Endi on tórtinshi týr oiyndary 28 jáne 29 mamyr kúnderi ótkiziledi.
