Qozǵalysy toqtatylǵan poiyzdarǵa bilet alǵan jolaýshylar jumsaǵan qarajattaryn qaitaryp ala alady. Bul týraly «Jolaýshylar tasymaly» AQ bas direktorynyń mindetin atqarýshy Asylhan Qaldykózov aitty, dep habarlaidy QazAqparat.
«Qozǵalysy toqtatylǵan poiyzdarǵa erterek bilet satyp alǵan jolaýshylar aqshalaryn tolyq kólemde qaitaryp ala alady. Sonymen qatar ózge balama poiyzdarǵa da bilet alýlaryna múmkindikteri bar», - dedi ol Ortalyq kommýnikatsiialar qyzmetindegi brifing barysynda.
Asylhan Qaldykózovtiń aitýynsha, bilet kassalary shtattyq rejimde jumys istei beredi. Týyndaǵan barlyq saýaldarǵa temirjol kóliginiń 105 anyqtama qyzmetine qońyraý shalyp, jaýap alýǵa bolady.
Buǵan deiin habarlaǵanymyzdai, 5 shildeden bastap, QR Indýstriia jáne infraqurylymdyq damý ministrliginiń kelisimimen Almaty-Saryaǵash baǵytyndaǵy poiyz ýaqytsha toqtaidy. Sonymen qatar áleýmettik mańyzy bar birneshe poiyzdyń qozǵalys jiiligi qysqartylady. Olar: Nur-Sultan-Almaty, Almaty-Pavlodar, Nur-Sultan-Óskemen jáne Nur-Sultan-Dostyq poiyzdary.
