Foto: videodan skrinshot
23 aqpanǵa qaraǵan túni boran saldarynan Qostanai oblysynyń Amangeldi aýdanynda Áýliekól – Jaldam avtojolynyń bir bóligi jabyldy, dep habarlaidy Ult.kz.
Amantoǵai aýylynan 22 shaqyrym jerde Qostanai oblysy TJD qutqarýshylary tas joldan 98 adamdy, onyń ishinde 18 balany evakýatsiialady.
Alty kishkentai bala men bir eresek adam Amantoǵai aýylyndaǵy jylytý beketine jetkizildi. Meditsinalyq kómekke eshkim muqtaj bolmady.
Qutqarýshylar qar qursaýynan osy ýchaskeden segiz jeńil kólikti qaýipsiz jerge súirep shyǵardy.
Sonymen qatar, Sarykól aýdanynda Sonaly aýylynan 5 shaqyrym jerde TJM qyzmetkerleri qar qursaýynan bir jeńil avtokólikti tazarǵan jol bóligine súirep shyǵardy. Kólik ishinde eki adam bolǵan.
