Qostanai oblysynyń Lisakovsk qalasynda denesi kúiip qalǵan áiel tabyldy, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, 2021 jyldyń 15 maýsymynda tutanǵan shópti sóndirý kezinde órt sóndirýshiler kúiik shalǵan áieldi tapqan.
«Jedel járdem kóligimen áiel qalalyq aýrýhanaǵa jetkizildi. Alaida, ol alǵan kúiik jaraqattarynan kóz jumdy. Politseiler onyń óz-ózine qol jumsamaq bolǵanyn anyqtady», - dedi politsiiadan.
Atalmysh fakti boiynsha Qylmystyq kodekstiń 105-baby 1-bóligine sáikes sotqa deiingi tergeý júrgizilýde. Saraptamalar taǵaiyndaldy.
