Qostanai oblysy Meńdiqara aýdany bilim bóliminiń basshysy Qalybek Júginisov óz-ózine qol jumsady. Bul týraly oblystyq bilim basqarmasy túsinikteme jasady, dep habarlaidy "Ult aqparat".
Q. Júginisovtiń 2 maýsym kúni sýitsid jasaǵany týraly aqparatty BAQ búgin bere bastady. Oǵan birden oblystyq vedomstvo túsinikteme jasady.
«Ókinishke qarai, Meńdiqara aýdany bilim bóliminiń basshysy Qalybek Baijanuly Júginisovtiń ózine qol salǵany týraly aqparatty rastaimyz. Qaiǵyly jaǵdaidyń mán-jaiynan bilim basqarmasy habarsyz, - dedi oblystyq basqarmadan. – Qalybek Baijanuly áriptesteri arasynda syily jan edi. Ol - óz isiniń mamany, jaýapty qyzmetker boldy. Bilim basqarmasynyń ujymy marqumnyń týǵan-týystary men jaqyndaryna qaiǵyryp kóńil aitady».
Sonymen qatar jergilikti BAQ-ta marqumnyń ózine qol salýynyń sebebi - oǵan qatysty sybailas jemqorlyq faktisi boiynsha júrgizilgen tergeý bolýy múmkin ekeni habarlanǵan.
«Bilim basqarmasyna quqyq qorǵaý organdarynan Qalybek Baijanulyna qatysty sybailas jemqorlyq faktisi boiynsha júrgizilgen sotaldy tergeý týraly resmi aqparat túspedi», - dep qosty oblystyq bilim basqarmasynan.
