Qostanai oblysynda aýyl ákimderi tizimine kandidattardy tirkeý kezeńi aiaqtaldy. Onyń qorytyndysy jaily aimaqtyq kommýnikatsiialar qyzmetinde ótken brifingte oblystyq sailaý komissiiasynyń múshesi Ásiia Dýanbaeva baiandap berdi, dep habarlaidy "Ult aqparat".
Sailaý komissiiasy músheleriniń aqparatynsha, Qostanai oblysy boiynsha barlyǵy 160 kandidat usynylǵan, sonyń ishinde 65 kandidatty saiasi partiialar usynsa, 95 adam óz-ózderin usynǵan.
«Keshe, 14 shilde kúni saǵat 18:00-de sailaý naýqanynyń taǵy bir mańyzdy kezeńi – kandidattardy tirkeý aiaqtaldy. 14 shilde kúngi saǵat 18:00-de aýyl, aýyldyq okrýg jáne kent ákimderi tiziminde 147 kandidat tirkelgen. Sonyń ishinde 50 kandidatty saiasi partiialar usynsa, 88-i óz-ózderin usynǵan. 12 kandidat túrli sebeptermen tizimnen shyǵaryldy. Beseýi sáikes kelmeýi sebebimen tizimnen shyǵaryldy, tórteýi óz kandidatýralaryn ótinish jazyp tizimnen alyp tastady, eki kandidat uajetti qujattar usynbady, taǵy bireýi UQK jazǵan hattan keiin tizimnen shyǵaryldy. Saǵat 18-den keiin Aýmaqtyq sailaý komissiiasynyń sheshimimen taǵy eki kandidat tirkeý úshin barlyq qajetti qujattardy usynbaýy sebebimen tirkelgen joq», - dep málimdedi Á.Dýanbaeva.
Tirkelgen kandidattardyń barlyǵy kýálik alyp, sailaý komissiiasyna engizildi.
Sondai-aq, barlyq kandidattardyń joǵary bilimi bar, olardyń negizgi mamandyqtary – ekonomist, zańger, oqytýshy jáne aýylsharýashylyq qyzmetkerleri.
Endi kandidattardyń úgit-nasihat jumysy bastaldy.
