Qazaqstan Respýblikasy Prezidenti Ákimshiliginiń kelisimi boiynsha aǵa ádilet keńesshisi Berik Rahatuly Ábilov Qostanai oblysynyń prokýrory qyzmetine taǵaiyndaldy, dep habarlaidy QazAqparat oblys prokýratýrasynyń saityna silteme jasap.
Berik Ábilov 1971 jyly Taldyqorǵan oblysynyń Jarkent qalasynda dúniege kelgen. Ál-Farabi atyndaǵy Qazaq memlekettik ýniversitetin «quqyqtaný» mamandyǵy boiynsha bitirgen.
Eńbek jolyn 1993 jyly Taldyqorǵan qalasy prokýratýrasynda taǵylymdamadan ótýshi qyzmetinen bastaǵan.
Almaty qalasy prokýratýrasynyń tergeýshisi, asa mańyzdy ister jónindegi tergeýshisi, Bas prokýratýranyń basqarma bastyǵy, qylmystyq qýdalaý qyzmeti bastyǵynyń orynbasary laýazymdaryn atqardy.
Qarjy politsiiasy organdarynda basshylyq laýazymdarda jumys istedi.
2018 jyldan bastap Nur-Sultan qalasy prokýrorynyń birinshi orynbasary laýazymyn atqardy.
