Foto: stan.kz. Eldos Qospaev
Eldos Qospaev 15 jylǵa bas bostandyǵynan aiyryldy. Ol 2023 jyly Soltústik Kiprde qolǵa túsip, Qazaqstanǵa ákelingen, dep habarlaidy Ult.kz, informburo.kzke silteme jasap.
Astana qalasynyń qylmystyq ister boiynsha mamandandyrylǵan aýdanaralyq soty Eldos Qospaevqa qatysty úkim shyǵardy. Ol 15 jylǵa bas bostandyǵynan aiyryldy.
2023 jylǵy qyrkúiekte Eldos Qospaev pen onyń qylmystyq tobynyń músheleri Soltústik Kiprde qolǵa túsip, olar Qazaqstanǵa ákelingen bolatyn. Olarǵa qylmystyq top qurdy jáne oǵan qatysty, reiderlik árekettermen ainalysty degen aiyp taǵyldy.
Qarjylyq monitoring agenttiginiń málimetinshe, Qospaevtyń qylmystyq tobynda 11 adam bolǵan. Olar kelesi kompaniialardy tartyp alǵan degen kúdik boldy:
- AV-Construction;
- Profit trade ltd;
- Azovita Aktau;
- Azovita Atyrau.
Eldos Qospaev óziniń senimdi adamdary arqyly 7 jylǵa sottalǵan kásipker Almas Ábdiǵapparovtyń biznesiniń 75 paiyzyna ielik etken. Al keiin Ábdiǵapparovtyń anasyna qysym kórsetý arqyly qalǵan 25 paiyz úlesti tartyp alǵan.
