Joǵary sanatty nevrolog dáriger Gúlnaziia Idenova koronavirýstan jazylǵan naýqastarǵa qandai aldyn alý sharalaryn jasaý kerektigin túsindirdi, dep habarlaidy QazAqparat.
«Aýyl» partiiasynyń bastamasymen ótken onlain seminarda óńirdegi dárigerler koronavirýstan jazylǵandardyń endi qandai aldyn alý sharalaryn júrgizýin surady.
«Koronavirýs infektsiiasy eń aldymen qan júiesine soqqy beredi. Sondyqtan qannyń qoiýlyǵyna nazar aýdarý kerek. Koronavirýs infektsiiasynyń bakteriofagy ishki organdardy, eń aldymen ókpeni zaqymdaidy. Sondyqtan kovid pnevmoniiasy keń taralyp otyr. Sonymen birge ol búirek pen júrekke de áser etedi. Koronavirýstan keiin koagýlogramma men D-dimer kórsetkishterin baqylap otyrý kerek. Bul jaǵdaida qannyń uiyp qalýynyń barlyq parametrlerin qarastyrǵan jón. Osy parametrler negizinde ári qarai ne isteý kerektigin talqylaimyz», - dedi G. Idenova.
Sonymen birge dáriger psihikalyq ońaltýdyń da óte mańyzdy ekenin atap ótti.
«Koronavirýs adamdardyń psihikasyna qatty áser etti. Onyń saldarynan óte qatty nevroz, depressiia jáne sheksiz apatiia týyndaýy múmkin. Osy máselege de airyqsha nazar aýdarǵym keledi», - dedi Gúlnaziia Idenova.
