Qazaqstanda koronavirýstyq infektsiianyń taralý deńgeiin tómendetý maqsatynda biylǵy maýsym aiyna deiin 145 myń meditsinalyq dári qobdishasy tabysy az, ataýly áleýmettik kómek alýshy otbasylarǵa tegin jetkiziletin bolady, dep habarlaidy "Ult aqparat".
«Meditsinalyq dári qobdishalaryn satyp alýǵa qarajat Aziia damý bankiniń granty esebinen bólinetin bolady. Dári qobdishalaryn BUUDB arqyly satyp alý boljanyp otyr. Jiyntyqtardyń quramyn QR Densaýlyq saqtaý ministrligi aiqyndady jáne oǵan termometrler, maskalar, dezinfektsiialyq quraldar jáne steroidty emes qabynýǵa qarsy preparattar kiredi. Dári qobdishalaryn alýshylarǵa jetkizýdi qalalyq nemese aýdandyq jumyspen qamtýdy úilestirý jáne áleýmettik baǵdarlamalar bólimderi ári aýyldyq ákimdikter júzege asyrady. Bul shara materialdyq jaǵdaiy qiyn, ataýly áleýmettik kómek alýshy otbasylardyń ekonomikalyq júktemesin azaitýǵa múmkindik beredi», - delingen Eńbek ministrligi málimetinde.
Osylaisha, biyldyń maýsym aiyna deiin Qazaqstandaǵy tabysy az otbasylarǵa 145 myń meditsinalyq dári qobdishasy jetkiziletin bolady.
Esterińizge sala keteiik, 2020 jyldyń 10 shildesinde QR Úkimetiniń keńeitilgen otyrysynda Memleket basshysy tabysy az otbasylardy koronavirýstyq infektsiianyń taralýyna jol bermeý maqsatynda dári-dármektermen jáne alǵashqy meditsinalyq qorǵaý quraldarymen qamtamasyz etýdi tapsyrǵan bolatyn.
