Koronavirýspen aýyrǵan qazaqstandyqtar shipajailara saýyqtyrý kómegin alýy múmkin. Bul týraly «Áleýmettik meditsinalyq saqtandyrý qory» KEAQ Basqarma tóraǵasy Bolat Tókejanov aityp berdi, dep habarlaidy QazAqparat.
«Pandemiia kezinde kóptegen azamattarǵa óz qarajatyna emdelýge týra keldi. Biz muny túsinemiz. Osyny eskere otyryp, qor koronavirýstyq infektsiiaǵa shaldyqqan adamdardy saýyqtyrý týraly sheshim qabyldady. Bizde Meditsinalyq saqtandyrý qorymen kelisimshart bekitken meditsinalyq uiymdar bar. Pandemiia kezeńinde saýyqtyrý meditsinalyq kómegi eki esege qysqardy. Osyǵan bailanysty, tamyz aiynan bastap bizdiń qor koronavirýspen aýyrǵan naýqastardy saýyqtyrýdy bastaidy», - dedi spiker Ortalyq kommýnikatsiialar qyzmetinde.
«Densaýlyq saqtaý ministrligi men densaýlyq saqtaý basqarmalarynyń quramynda óz shipajailary, ońaltý ortalyqtary jáne sanatoriilik-kýrorttyq uiymdary bar. Bizge sanatoriilik-kýrorttyq uiymdardyń qaýymdastyǵy júgindi. Densaýlyq saqtaý ministrligimen birlese otyryp, saýyqtyrý kómeginiń algoritmi ázirlenip jatyr, - dedi B. Tókejanov.
Qordyń ózi taldaý júrgizip, halyq arasynda bul qyzmetterge degen qajettiliktiń óte joǵary ekenin anyqtaǵan.
«1406 bailanys ortalyǵyna osy jóninde kóptegen suraqtar kelip túsedi. Sondyqtan, bizdiń qor Densaýlyq saqtaý ministrligimen birlesip, syrqattan keiin naýqastardy baqylaý algoritmderin ázirleýde. Biz emhana deńgeiinen bastap ońaltý ortalyqtary men sanatoriilik-kýrorttyq uiymdarǵa deiingi barlyq deńgeidegi kómek túrlerin qarastyryp jatrymyz», - dep atap ótti qor basshysy.
