Qazaqstanda koronavirýspen aýyrǵan 25 naýqas ókpeni jasandy jeldetý apparatyna qosylǵan, dep habarlaidy "Ult aqparat" QR Densaýlyq saqtaý ministroligi baspasóz qyzmetine silteme jasap.
«Qazirgi ýaqytta koronavirýs infektsiiasynan 5 924 adam emdelip júr. Olardyń arasynda 34 bala bar. Statsionarda 3 119 naýqas jatyr.
2 805 adam ambýlatoriialyq jaǵdaida emdelýde. Jalpy naýqastardyń arasynda 144 adamnyń ahýaly nashar. Sonyń ishinde 19 naýqastyń ahýaly asa aýyr dep baǵalanýda. 25 naýqas ókpeni jasandy jeldetý apparatynda jatyr», delingen habarlamada.
