Qazaqstan Respýblikasynyń Bas memlekettik sanitariialyq dárigeriniń Qaýlysyna sáikes COVID-19 infektsiiasyna qarsy ekpeniń tolyq kýrsynan ótken adamdar úshin birqatar shekteýler alynyp tastaldy.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanaly habarlady.
Atap aitqanda:
aýrýhanaǵa jatqyzýdyń kez kelgen túri úshin, uiymdasyp, ujymdarǵa barǵan kezde, vahtalyq qyzmetkerlerge, demalystan, issapardan keiin meditsina qyzmetkerlerine, aýrýyna bailanysty jumys ornynda bolmaǵan kezde, meditsinalyq joǵary oqý oryndary men kolledjderdiń stýdentterine jáne basqa adamdarǵa PTR test talap etilmeidi.
COVID-19 rastalǵan adamdarmen bailanysta bolǵan jaǵdaida oqshaýlanbaidy, biraq olarǵa meditsinalyq baqylaý qamtamasyz etiledi;
keńse uiymdarynyń qyzmetkerleri qashyqtan jumys isteý formatyna aýystyrylmaidy.
Sonymen qatar shetelge saparǵa shyqqan kezde PTR anyqtamasy talap etilmeidi.
1 shildeden bastap ekpeniń eki komponentin saldyrǵan adamdardyń statýsy «Ashyq» qosymshasynda «jasyl» tústi kórsetetin bolady.
