Qazirgi ýaqytta elimizde koronavirýs infektsiiasynan 7 379 adam em qabyldap jatyr. Olardyń arasynda 30 bala bar.
Statsionarlarda 3 811 naýqas jatyr. 3 568 adam ambýlatoriialyq jaǵdaida emdelýde, dep habarlaidy Densaýlyq saqtaý ministrligi.
Jalpy naýqastardyń arasynda 197 adamnyń ahýaly nashar. Sonyń ishinde 35 naýqastyń ahýaly asa qatty aýyr dep baǵalanǵan. 42 naýqas ókpeni jasandy jeldetý apparatynda jatyr.
QR Densaýlyq saqtaý ministrligi budan bylai táýliktik kórsetkish týraly aqparatty kún saiyn únemi úzbei jariialap otyrady. Barlyq málimet resmi saitta jáne vedomstvonyń áleýmettik jelilerdegi paraqshalarynda taratylady.
Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady.
Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy press-brifingte habarlaidy.
