1,1 myńnan astam meditsina qyzmetkeri COVID-19 infektsiiasyn jáne pnevmoniiany juqtyrýyna bailanysty tólem aldy, dep habarlaidy "Ult aqparat".
COVID-19-ben kúresýge tartylyp, koronavirýs infektsiiasyn nemese virýstyq pnevmoniiany juqtyrǵan 1111 meditsina qyzmetkeri memlekettik áleýmettik saqtandyrý qorynan birjolǵy áleýmettik tólemdi aldy. Sondai-aq, MÁSQ aýrýdyń saldarynan qaitys bolǵan 8 meditsina qyzmetkeriniń týystaryna tólem aýdardy.
Ótinim jinaqtaýdy QR Densaýlyq saqtaý ministrligi júzege asyrady, odan keiin ótinim elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasyna beriledi, keiin tólem taǵaiyndaý úshin qorǵa jiberiledi.
1 qyrkúiek saǵat 9.00-degi jaǵdai boiynsha COVID-19 nemese virýstyq pnevmoniia juqtyrǵan 1111 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 8 meditsina qyzmetkeriniń ótinish boiynsha aqshalai qarajat taǵaiyndalyp, tólengen.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Nur-Sultan (176) jáne Almaty qalalarynan (128), Almaty (96), Aqmola (88) jáne Atyraý oblystarynan (79) júrgizildi.
Esterińizge sala keteiik, joǵaryda kórsetilgen tólem:
– koronavirýs nemese virýstyq pnevmoniia juqtyrǵan meditsina qyzmetkerlerine – 2 mln teńge;
– COVID-19 koronavirýs infektsiiasyn juqtyrǵannan, virýstyq pnevmoniiamen aýyryp qaitys bolǵan jaǵdaida olardyń otbasyna – 10 mln teńge kóleminde tólenedi.
