Almatyda ótken onlain brifing barysynda infektsionist dáriger Tamara Ýtaǵanova koronavirýsten emdeý týraly el arasyndaǵy alyp qashpa sózderge túsinik berdi, dep habarlaidy QazAqparat.
«Koronavirýs tuzdy sýda óledi degen kóp aitylyp júr. Ol jalǵan aqparat. Bul virýs tek antiseptik pen dezinfektsiialyq quraldardyń barlyǵynan óledi. Qazir Qazaqstannyń ózinde emdeý hattamasynyń 11 redaktsiiasymen emdep jatyrmyz. Emdeý hattamasy búkil álem boiynsha jinalǵan tájiribe, úirengen mashyqtar, dárilerdiń qoldaný tájiribesi, diagnostikalyq quraldardy qoldaný tájiribesi jinaqtalǵanda ózgerip otyrady. Qazir Qazaqstandavirýsqa qarsy terapiia qaita qaralǵany ras. Buryn DDU usynǵan «Gidroksliohlorohin», «Lapinovir» preparattaryna qazir tyiym salynǵan. Onyń ornyna «Remdesivir», «Favipirovir» preparattary qosyldy», - dedi T. Ýtaǵanova.
Eske salsaq, buǵan deiin koronavirýsty emdeidi degen jeleýmen Kóbeituz kóli tuzynyń kelisi áleýmettik jelide 5 myń teńgeden satylyp jatqany týraly habarlaǵan bolatynbyz.
