Koronavirýsty toqtatamyz desek - sanitarlyq talaptardy saqtaýymyz qajet. Bul týraly QR Densaýlyq saqtaý ministri Eljan Birtanov aitty, dep habarlaidy QazAqparat.
«Bul indet - áli bitken joq. Koronavirýs tolqyndy jaǵdaimen kele jatyr. Karantin jaǵdaiynda tómen túsedi. Biraq karantin jáne shekteý sharalaryn alyp tastasaq, qaita kóteriledi. Bul - tek Qazaqstanda emes, búkil dúniejúzinde qaýipti jaǵdai. Muny barlyǵymyz durys túsinýimiz qajet», - dedi ministr Ortalyq kommýnikatsiialar qyzmetindegi brifing barysynda.
Onyń atap ótýinshe, dúniejúzindegi osyndai indetti toqtatýymyz úshin ár azamat, ár memleket karantindik, sanitarlyq talaptardy engizýi jáne ony saqtaýy qajet.
«Eń birinshiden, ár adam 2 metr áleýmettik araqashyqtyqty saqtaýy kerek. Jumys ornynda jáne syrtqa shyqqanda áleýmettik araqashyqtyqty ustanǵanymyz jón. Ekinshiden, indetti toqtatý úshin qazirgi ýaqytta maska taǵý óte mańyzdy. Árine, jeke gigienany da saqtaý qajet. Indet aýamen ǵana emes, qol arqyly da juǵady. Sondyqtan qoldy jýý, jeke gigienany saqtaý da óte mańyzdy», - dedi Eljan Birtanov.
