Sársenbi kúni Tokio koronavirýsqa bailanysty qaýip deńgeiin eń joǵary belgige kóterdi, dep habarlaidy Kyodo agenttigi.
Tokio biligi qalada 165 adam koronavirýs juqtyrǵannan keiin turǵyndardy barynsha abai bolýǵa shaqyryýda. Tokioda jetinshi kún qatarynan koronavirýs juqtyrýdyń jańa jaǵdailary tirkelip jatyr. Aita keteiik, 25 mamyr kúni elde tótenshe jaǵdai toqtatylǵannan keiin Tokioda aýrǵa shaldyǵý sany ósken.
Japoniia astanasy tórt kún qatarynan 200-den astam adamnyń COVID-19 juqtyrǵanyn tirkedi. Meditsina sarapshylary 8 354 adam indetke shaldyqqannan keiin qaýip deńgeiin eń joǵary tórtinshi deńgeige deiin kóterýdi usyndy.
Alaida, eldiń Aýrýdy baqylaý jáne aldyn alý ortalyǵynyń ókili bul jaǵdai koronavirýstyń «ekinshi tolqyny» emes dep esepteidi. Sebebi, naýryz jáne sáýir ailarymen salystyrǵanda elde aýyr halde jatqandar sany áldeqaida az.
