Sanitarlyq-epidemiologiialyq baqylaý komitetiniń resmi ókili Erjan Baitanaev qazaqstandyqtarǵa ujymdyq immýnitetti saqtaý úshin maska taǵyp, shetelge shyqpaýdy usyndy, - dep habarlaidy Massaget.kz portaly.
"Qurmetti Qazaqstan Respýblikasynyń azamattary, ózderińizdi, jaqyndaryńyzdy qorǵaý maqsatynda vaktsinatsiiadan jáne revaktsinatsiiadan bas tartpaýdy suraimyz. Ujymdyq immýnitetti saqtaý úshin mindetti túrde vaktsina saldyrý kerek. Bizde vaktsinatsiialaǵysy keletin azamattar kóp, biraq olarǵa bolmaidy. Sondai-aq, vaktsina saldyra almaityn balalar bar. Qorǵanys maqsatynda revaktsinatsiiadan, vaktsinatsiiadan ótip, ujymdyq immýnitetti qalyptastyryp, osy qiyn kúnderdi birge ótkizýimiz kerek", - dedi ol.
Sanitarlyq-epidemiologiialyq baqylaý komiteti aimaqtyń "sary" aimaqqa ótýin kútpei, halyq jappai jinalatyn jerde maska taǵýǵa shaqyrdy.
"Barlyǵyna áýejaida, vokzalda, qoǵamdyq kólikte, halyq kóp jinalatyn jerde maska taǵýdy usynamyz. Maska koronavirýs infektsiiasynan qorǵaidy. Múmkindiginshe shetelge shyqpaýǵa keńes beremiz. 130 elde aýrý qarqyndy taralyp jatyr. DDSU múmkin bolsa, basqa elderge sapar shegýdi toqtatýdy usynady. Qazir demalys ýaqyty ekenin túsinemiz, biraq úide, týystardyń ortasynda demalýǵa da bolady", - dedi Baitanaev.
