Ońtústik Koreia úkimeti logistikalyq ortalyqtardy jan-jaqty tekserýden ótkizip, Seýl qalasynda mektep oqýshylarynyń sanyn shekteidi. Bul týraly QazAqparat Yonhap agenttigine silteme jasap habarlaidy.
Eldiń bilim berý ministrligi koronavirýstyń qaita taralýyna qarsy saqtandyrý sharasy retinde Ońtústik Koreia astanasyndaǵy mektep oqýshylarynyń sanyn shekteýdi josparlap otyrǵanyn málimdedi.
Bastaýysh mektepte oqityn balalar sany jalpy sanynyń úshten biri, al orta synyptaǵy oqýshylardyń úshten eki bóligine deiin qysqartylýy tiis, dep málimdedi bilim vitse ministri Pak Beg-bom baspasóz konferentsiiasy kezinde.
Oqýshylar sanyn qysqartý jospary tek el astanasyndaǵy oqýshylarǵa ǵana tiisti bolady.
Eske sala ketsek, bul sheshim densaýlyq saqtaý organdarynyń bir kúnde koronavirýs juqtyrýdyń 58 jańa oqiǵasy týraly habarlamasynan keiin qabyldandy. Bul sońǵy eki aida indet juqtyrýdyń eń joǵary kórsetkishi bolyp otyr. Barlyq oqiǵalar el astanasynda tirkelgen.
