Qazaqstan óńirlerindegi epidemiologiialyq ahýaldy baǵalaý matritsasy boiynsha 15 shildede Qyzylorda oblysy «qyzyl» aimaqqa kirdi. Osyǵan orai oblys ákimi Gúlshara Ábdiqalyqova óńir jurtshylyǵyna úndeý jariialady, dep habarlaidy "Ult aqparat".
Úndeýde o blys ákimi biyl da indetpen aýyrǵandar kúnnen kúnge toqtaýsyz kóbeiip jatqanyna nazar aýdardy.
«Bizdiń beiǵamdyǵymyz ben karantinniń qarapaiym talaptaryn saqtaýǵa salǵyrttyǵymyzdyń kesiri ózimizge ǵana emes, otbasymyz ben týystarymyzǵa, ainalamyzdaǵy adamdarǵa tiiýde.
Búgingi kúni oblysta barlyǵy koronavirýs infektsiiasynyń 7783 jaǵdaiy tirkelip, 100 myń halyqqa shaqqandaǵy aýrýshańdyq kórsetkishi 946,4-ti qurap otyr.
Barlyq tirkelgen koronavirýs infektsiiasynyń 2,0 paiyzy syrttan tasymaldanǵan, 58,0 paiyzy skriningtik tekserý nátijesinde jáne 40 paiyzy qarym-qatynas arqyly juqtyrǵandar.
Aýrýǵa jańa týǵan náresteler men qariialar da shaldyqsa, sonyń ishinde 20 jastan 69 jas aralyǵyndaǵy azamattar arasynda belsendilik baiqalýda.
Bul jumysqa belsendi azamattar arasynda kóp degen sóz.
Qadirli jerlesterim, densaýlyǵymyz aldymen ózimizge kerek ekenin ózderińiz de jaqsy bilesizder. Indetke toqtam bolýy úshin, tezirek mamyrajai jaqsy kúnge jetýimiz úshin sizderden jiyn-toi, as berý, týristik saiahat, otbasylyq kópshilik sharalardy toqtata turýdy jáne karantinniń qarapaiym talaptaryn (maska kiiý, antiseptik quraldary, araqashyqtyqty saqtaý) qatań saqtaýdy, ekpe alýdy suraimyn», - delingen úndeýde.
