Qytaidyń Sian qalasynyń biligi koronavirýstyń taralýyna bailanysty qatań karantin engizdi, dep habarlaidy QazAqparat Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.

Ákimshiliktiń buiryǵymen qalanyń barlyq turǵyndary úide bolýy tiis. Eki kúnde bir ret birinshi kezekte qajet taýarlardy satyp alý úshin ár úiden bir adamdy jibere alady. Sondai-aq úiden tek tótenshe jaǵdailar kezinde shyǵýǵa ruqsat etiledi.

Tez taralatyn «omikron» shtamynyń áserinen DDU búkil álemdegi adamdardy Rojdestvolyq jáne jańajyldyq josparlardan bas tartýǵa jáne merekelerdi keiinge qaldyrýǵa shaqyrdy.

Serbiiada reseilik «Spýtnik V» preparaty koronavirýstyń «omikron» shtamyna qarsy eń tiimdi vaktsina dep tanyldy. Preparattyń býsterlik dozasyn alǵannan keiin mýtatsiiaǵa qarsy kútiletin tiimdilik 80% - dan joǵary bolýy múmkin.