Koronavirýspen aýyrǵandar kóbeigen elderge áýe reisi qaitadan toqtatylady. QR Indýstriia jáne infraqurylymdyq damý ministri Beibit Atamqulov osylai málim etti, dep habarlaidy QazAqparat.
«Halyqaralyq áýe reisterin jandandyrý jumystaryn biz ǵana atqarmaimyz. Munda Densaýlyq saqtaý ministrligi óz jelisi boiynsha jumys isteýde, sebebi tiisti tekserýlerden ótip, ushýǵa ruqsat alý úshin birneshe protsedýra júrgizý kerek. QR Syrtqy ister ministrligi de eńbek etip jatyr. Buryn vizasyz usha beretin elder viza men ruqsattamany mindettep qoiǵan. Osylaisha, áriptestermen keshendi jumys júrgizip jatyrmyz», - dedi spiker Ortalyq kommýnikatsiialar qyzmetinde ótken esep berý brifingisinde.
Onyń aitýynsha, koronavirýs pandemiiasyna qatysty jaǵdai turaqtalǵan birneshe eldiń aviatsiialyq biligimen reisterdi qalpyna keltirý máseleleri talqylanyp jatyr.
«Bizge shet elderdegi keibir shekteýler men tyiymdardy alǵyzý kerek. Sonymen birge, bas sanitarlyq dáriger atalǵan elderdegi jaǵdaidy mindetti túrde baqylaýǵa alady. Ruqsat berilgen elderde epidemiologiialyq jaǵdai qiyndasa, ushýdy jedel toqtatýǵa májbúr bolamyz. Bul – reisterdi jandandyrý boiynsha Densaýlyq saqtaý ministrliginiń mindetti talaby», - dep túsindirdi ministr.
Sonymen birge, ministr Niý-Iork pen Singapýrǵa áýe reisterin ashý josparynyń Vedomstvoaralyq komissiianyń kelesi otyrysynda qaralatynyn aitty.
Buǵan deiin ministr Qazaqstanda halyqaralyq reisterdiń kezeń-kezeńimen ashylatynyn aityp, ruqsat berilgen alǵashqy memleketter tizimin jariialady.
Sondai-aq, áýe kompaniialarynyń bilet qunyn aiyppulsyz, tolyq qaitarýǵa mindetti ekenin jetkizdi.
