Kóptegen elder shekteý sharalaryn birtindep alyp jatqanda álemde Covid-19 juqtyrý oqiǵalary artyp jatyr, dep habarlaidy VVS agenttigi.
Juma kúni DDSU sońǵy táýlikte 284 myń adamnyń Covid-19 juqtyrǵanyn habarlady. Sol kúni 30 sáýirden bergi eń kóp ólim jaǵdaiy tirkeldi. Bir táýlikte 9753 adam kóz jumǵan.
Ispaniia qaitadan shekteý sharalaryn engizip jatyr
Ispaniia lokdaýndy alyp tastaǵannan keiin bir aidan soń qaitadan shekteý sharalaryn engizip jatyr. Sebebi elde koronavirýs infektsiiasyn juqtyrǵandar kóbeigen. El biligi epidemiianyń ekinshi tolqyny bastala ma dep qaýiptenip otyr.
Barselonada da virýs juqtyrǵandar sany artyp jatyr.
Juma kúni Ispaniia densaýlyq saqtaý ministri Salvador Ilia sońǵy táýlikte 900-den astam koronavirýs juqtyrý oqiǵasy tirkelgenin habarlady.
Kataloniia biligi virýs juqtyrǵandar sanynyń artýyna bailanysty óńirdegi túngi klýbtardyń jumysyn toqtatty.
Syrqattanǵandardyń kópshiligi – ferma jumysshylary men túngi klýbtarǵa barǵandar. Sonymen qatar, kóbi otbasylyq mereke men dostar jáne týystarymen kezdesý kezinde juqtyrady.
Madridte de jaqyn kúnderi shekteý sharalary engizilýi múmkin. Ispaniia astanasynyń biligi turǵyndardy jabyq ǵimarattyń ishinde, tipti úige qonaqtar, kórshi nemese kýrer kelse de maska taǵyp júrýdi surady.
Madrid turǵyndaryna jaqyn kúnderi bar men meiramhanalarǵa kelýshilerdiń sany boiynsha shekteý engizetinin eskertti.
Ispaniianyń kishigirim Totana qalasy (Sýrsiia provintsiiasy) 55 adam infektsiiaǵa shaldyqqannan keiin karantinge jabyldy. Boljam boiynsha, syrqattanǵandardyń barlyǵy bir barǵa barǵan.
Ispaniiada Covid-19 juqtyrǵandar sanynyń artqanyna Parij alańdap otyr. Frantsiia biligi azamattaryna múmkindiginshe Kataloniiaǵa barmaýdy surady. Al, Norvegiia Ispaniiadan kelgenderdi karantinge jatqyzatynyn málimdedi.
Frantsiia: ushyp kelgenderden test alynady
Frantsiia premer-ministri Jan Kasteks Frantsiiaǵa tómendegi 16 elden ushyp kelgenderdiń mindetti túrde koronavirýstyń bar-joǵyn anyqtaityn test tapsyratynyn málimdedi: AQSh, Braziliia, Aljir, Bahrein, Izrail, Úndistan, OAR, Kýveit, Katar, BAÁ, Oman, Panama, Perý, Serbiia, Túrkiia jáne Madagaskar.
Bul elderden Frantsiiaǵa týristerdiń kelýine tyiym salynǵan. Premer-ministrdiń aitýynsha, osy tizimdegi elderden kelgen frantsýzdar men Frantsiiada turatyn osy eldiń azamattary taldaý tapsyratynyn túsindirdi. Virýs anyqtalǵan azamattar eki apta karantinde jatady.
Ońtústik Koreia: reseilik teńizshiler syrqattanǵan
Ótken táýlikte Ońtústik Koreiada 113 virýs juqtyrý oqiǵasy tirkeldi. Bul sońǵy úsh aidaǵy eń joǵary kórsetkish. Juqtyrý oqiǵalarynyń kóbi - «syrttan ákelingen», naýqastanǵan 113 adamnyń tek 27-i ǵana sońǵy aptada eshqaida shyqpaǵan.
Ońtústik Koreiadaǵy Pýsan qalasynyń portynda turǵan «Petr Pervyi» balyq aýlaityn kemesindegi 23 reseilik teńizshiden Covid-19 anyqtaldy.
Ońtústik Koreiadaǵy Resei bas konsýldyǵy syrqattanǵan Resei azamattarynyń aýrýhanaǵa jatqyzylatynyn málimdedi.
Osy aptada Irakta jumys istep júrgen 293 ońtústikkoreialyq azamat elge oraldy. Kóbinde Covid-19 anyqtalǵan.
Tramp retseptik preparattardy arzandatqysy keledi
AQSh prezidenti Donald Tram AQSh-taǵy retseptik preparattardyń baǵasyn tómendetýge shaqyratyn tórt jarlyqqa qol qoidy. Tramp qol qoiǵan qujat mundai dári-dármekke jeńildik jasaýǵa múmkindik beredi.
Seisenbi kúni Tramp amerikalyq farmatsevtik kompaniia basshylarymen kezdesedi, biraq prezident sheshimin kei farmatsevter men sarapshylar synap jatyr. Olardyń pikirinshe, Tramp qarastyrǵan sharalar tiimdi emes jáne dári-dármek baǵasynyń tómendeýine áser etpeidi.
AQSh turǵyndary álemniń basqa damyǵan elderimen salystyrǵanda dári-dármekke eki ese kóp qarajat jumsaidy. EYDU deregi boiynsha, 2015 jyly britandyqtar ortasha eseppen 497 dollarǵa dári satyp alsa, amerikalyqtar 1162 dollar jumsaǵan.
Angliiada bassein men fitnes-klýbtar ashylady
Angliiada senbiden bastap jabyq basseinder, fitnes-klýbtar men sport obektileri ashylady. Boljam boiynsha, sportzaldardyń úshten biri shyǵynǵa ushyraǵandyqtan jumysyn jandandyra almai otyr.
Ashylǵan sport obektileri sanitariia erejelerin qatań saqtaýǵa mindetteledi.
Angliiada ashyq aspan astyndaǵy sport obektileri 4 shildeden bastap jumys istep jatyr.
Jattyǵý zaldary Soltústik Irlandiiada ashylǵan, al Ýels pen Shotlandiiada olar burynǵysha jabyq tur.
Britaniia biligi el turǵyndaryna artyq salmaq Covid-19-dyń kúrdeli ótýine sebep bolatynyn taǵy da eskertti.
Eldiń densaýlyq saqtaý ministrliginiń málimetinshe, semizdikpen aýyratyn naýqastardyń Covid-19-dan qaitys bolý qaýpi artyq salmaǵy joqtarmen salystyrǵanda 40%-ǵa artyq.
