Qazaqstanda koronavirýs infektsiiasyn juqtyrý jaǵdailary tómendep keledi. Bul týraly Úkimet otyrysynda Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Qazaqstan 6 maýsymnan beri «jasyl» aimaqta tur. «Qyzyl» aimaqta Nur-Sultan qalasy qalyp otyr. Al «sary» aimaqta: Almaty qalasy, Aqmola, Atyraý, Batys Qazaqstan, Qaraǵandy jáne Pavlodar oblystary», - dedi Tsoi.
Onyń aitýynsha, «jasyl» aimaqta 10 óńir ornalasqan: Shymkent qalasy, Almaty, Aqtóbe, Jambyl, Qostanai, Qyzylorda, Mańǵystaý, Shyǵys Qazaqstan, Soltústik Qazaqstan jáne Túrkistan oblystary.
«Respýblika boiynsha jalpy koronavirýs infektsiiasyn juqtyrý jaǵdailary tómendep keledi. Sońǵy aptada KVI-di anyqtaý 11 myńnan 8 myń jaǵdaiǵa deiin azaidy nemese ótken aptamen salystyrǵanda 1,3 esege tómendedi. Mamyr aiynyń basynan beri indetke shaldyǵý 2,1 esege azaidy», - dedi ministr.
