Nur-Sultan qalasynyń bas sanitar dárigeri Sarhat Beisenova elordadaǵy vaktsinatsiia jumystary týraly aityp berdi, dep habarlaidy "Ult aqparat".
«Búgingi tańda elorda halqynyń tek 22,4%-ynda ǵana immýnitet qalyptasqan dep aitýǵa bolady (vaktsinatsiia esebinen 15,8%, 6,6% COVID-19-ben aýyryp shyqqandar). Sońǵy kúnderi qalada vaktsinatsiia qarqyny artyp, táýligine ortasha eseppen 5000-8000 adamǵa deiin egiledi», - dedi spiker Nur-Sultan qalasynyń ákimdigindegi brifingte.
Onyń aitýynsha, jappai vaktsinatsiia júrgizý nátijesinde mamyr aiynda aýrý kórsetkishi sáýirmen salystyrǵanda 31%-ǵa, maýsym aiynda mamyr aiymen salystyrǵanda tómendegen.
«Syrqattanýdyń qazirgi deńgeii 10%-ǵa tómendegenine qaramastan, mamyr aiynda onyń qarqyndy kórsetkishi - 991,8, al maýsymda - 857,3 qurady. Bul vaktsinalaýdyń aýrýdy tómendetýdiń negizgi sheshimi ekenin taǵy da dáleldeidi, bul keiinnen qaladaǵy shekteý is-sharalaryn jeńildetýge ákeledi», - deidi Beisenova.
