Eýropalyq meditsinalyq sarapshylar demin ishine tartyp otyr, óitkeni aldaǵy aptalar kontinent úshin sheshýshi bolmaq. «Omikron» nusqasy qaýipti toptarǵa taralady jáne ol aýrýhanaǵa jatqyzý tolqynyn týdyrý-týrdyrmaýy anyqtalady.
AQSh, Avstraliia jáne basqa elderde «omikron» saldarynan búkil álem boiynsha myńdaǵan reister toqtatyldy. Betlehem Rojdestvony shekteýlermen atap ótýge daiyndalyp jatyr. Bul týraly Bi-bi-si reseilik qyzmetiniń sholýynda aitylǵan, dep habarlaidy «QazAqparat» HAA.
«Omikron» nusqasy búkil planetada taralyp, barlyq ulttyq úkimetterdi kóbirek shekteýler engizýge májbúr etedi. Eýropanyń kóptegen elderi infektsiia deńgeiiniń kúrt ósýin atap ótti, Niderlandyda osy aptada barlyq «qosymsha» mekemeler jabylyp, qatań oqshaýlaý engizildi, jumada Italiia men Ispaniiada turǵyndar kóshede de betperde taǵýǵa mindetteldi. Basqa Eýropa elderi Rojdestvo men Jańa jyl arasynda qatań sharalar qoldanýǵa daiyndalýda. Germaniiada 28 jeltoqsannan bastap 10 adamnan astam topta jinalýǵa tyiym salynyp, fýtbol matchtary jabyq esik jaǵdaiynda ótedi.
Portýgaliiada lokdaýn 26 jeltoqsanda bastalady, sonymen qatar mindetti jumystar da úiden atqarylady. Munyń bári «omikron» nusqasynyń óte jyldam taralýyna bailanysty. Keibir sarapshylardyń aitýynsha, halqynyń 80 paiyzdan astamy ekpe alatyn Eýropa elderi de buǵan daiyn bolmaǵan. Kieli kitap boiynsha Isa Másih dúniege kelgen Batys jaǵalaýdaǵy Betlehemde Rojdestvony toilaý kezinde virýsqa qarsy sharalar qadaǵalanýy tiis. BBC-diń densaýlyq saqtaý jónindegi tilshisi Djeims Gallaher atap ótkendei, qazir álemdegi epidemiologiialyq jaǵdai ótken qystan múlde basqasha.
Ulybritaniia men Eýropa halqynyń kóp bóligi vaktsinatsiialanǵan, al búginde búkil álemde qoldanylatyn sharalar ótken jylǵy tolyq shekteýlerden áldeqaida jeńil. «Omikron» nusqasy burynǵyǵa qaraǵanda aýyr belgilermen birge júredi. Sońǵy zertteýlerde «omikron» aýrýhanasynda bolý qaýpi «deltaǵa» qaraǵanda 30% -70% tómen ekendigi aitylǵan. Alaida, bul bárine birdei qatysty emes - juqtyrǵan adamdardyń kópshiliginde kádimgi sýyq tiiý belgiler bolady.
«Eger omikronmen birge aýrýhanalarǵa eki ese az adamdar tússe, biraq ol eki ese kóp adamdy juqtyrsa, onda biz áli de joldyń basynda bolamyz», - deidi Gallaher.
Ulybritaniiada «omikron» ásirese 40 jasqa deiingi adamdarǵa áser etti. Dál osy sanattaǵylar aýrýhanaǵa jatqyzylǵan britandyqtardyń kóp bóligin quraidy.
«Omikron» qarttarǵa jáne basqa da qaýip-qater toptaryna jetkende ne bolatynyn biz áli bilmeimiz. Bári Rojdestvolyq keshterden keiin belgili bolady», - deidi Gallaher.
Rojdestvo qarsańynda búkil álem boiynsha reisterdi toqtatý saldarynan AQSh pen Avstraliiadaǵy aviakompaniialar milliondaǵan jolaýshylar bilet satyp alǵan júzdegen reisterden bas tartty.
Amerikalyq United Airlines kompaniiasy reisterdiń toqtatylýyn onyń qyzmetkerleriniń kóp bóliginde koronavirýs anyqtalǵandyǵymen túsindirdi. Avstraliiada Sidnei men Melbýrn arasyndaǵy 100-ge jýyq reis toqtatyldy. Reisterdi toqtatý myńdaǵan jolaýshylardyń jolyn bógedi. Juma kúni AQSh-taǵy omikron nusqasyn juqtyrǵandardyń sany ótken pandemiia tolqynynyń shyńynan asyp tústi.
