56 kún qatarynan koronavirýs infektsiiasy bolmaǵannan keiin, Qytai astanasy Beijińde kenetten birneshe juqtyrýdyń jańa jaǵdaiy tirkeldi. Bul týraly "Ult aqparat" chinanews.com saityna silteme jasap habarlaidy.
Qytaidyń Ulttyq densaýlyq saqtaý komissiiasynyń esebine sáikes, búgingi kúni elde 49 jańa rastalǵan jaǵdai tirkeldi, onyń ishinde 36-sy - Beijińde.
Atap aitar bolsaq, 11 maýsymnan beri 4 kún ishinde Beijińde koronavirýs diagnozy qoiylǵandar sany 79 adamǵa jetken.
Jańa jaǵdailardyń basqa epidemiialyq aimaqtarǵa taralý oqiǵasy joq, biraq olardyń barlyǵy Beijińniń ońtústigindegi azyq-túlik satatyn kóterme saýda bazarynda bolǵan. Qytailyq BAQ karantin qyzmetkerleri balyq kesetin taqtaidan virýs tapqanyn habarlady.
«Indetke tap bolǵan Beijiń koronavirýs ýshyqqan Fentai, Mentýgoý, Dasin aýdandarynda áskeri jaǵdai engiziletindigin jariialady. Jergilikti úkimet barlyq balyq ónimderin bir tún ishinde alyp tastady jáne ár túrli sporttyq is-sharalardyń bolmaityndyǵyn málimdedi, keibir mektepterdiń sabaqty qaita bastaýy keiinge qaldyryldy jáne toptyq keshki asqa tyiym saldy», - delingen aqparatta.
Qytailyq BAQ-tyń habarlaýynsha, Beijińge jaqyn ornalasqan Hebei provintsiiasynda da koronavirýs juqpasynyń úsh jańa jaǵdaiy tirkelgen. Olardyń barlyǵyna, sonymen qatar Beijiń mańyndaǵy Hebei provintsiiasyndaǵy Baodin qalasy da 15 maýsymnan bastap áskeri jaǵdai engziletindigin málimdedi.
