Belgiianyń Antverpen provintsiiasy seisenbi, 28 shildeden bastap koronavirýstyń taralýyna jol bermeý úshin komendanttyq saǵat engizip, turǵyndardy qashyqtan jumys isteýge mindettedi, komandalyq sport túrlerimen ainalysýǵa tyiym saldy, dep habarlaidy "Ult aqparat".
Endi túngi ýaqyt, saǵat 23:30-dan bastap tańǵy 6:00-ge deiin úiden tek oryndy sebeppen, mysaly, jumysqa nemese aýrýhanaǵa barý úshin ǵana shyǵýǵa ruqsat etilgen. Meiramhana, barlar men dámhanalar saǵat 23:00-ge deiin jabyq bolýy tiis. Qoǵamdyq oryndarda mindetti túrde maska taǵý kerek. Kontaktili jáne komandalyq sport túrlerimen ainalysýǵa tyiym salynǵan.
Qashyqtan jumys isteý mindetti, buǵan tek qashyqtan atqaryla almaityn jumys jatqyzylmaidy. Bazarlarǵa qoiylatyn talaptar dúkendegidei: kelýshilerge munda 30 minýttan kóp júrýge bolmaidy.
Qosymsha sharalar Antverpen provintsiiasynyń eń kóp zardap shekken bólikterine qatysty qoldanylyp otyr. Bul erejeler tórt aptadan kem emes ýaqyt saqtalady.
Belgiiada aýrýǵa shaldyǵýdyń jaǵa oqiǵalary kóbeie túsken, Antverpen qalasy – onyń naǵyz oshaǵyna ainaldy. Sarapshylar bul jaǵdai koronavirýs epidemiiasy ekinshi tolqynynyń bastamasy bolýy múmkin dep alańdaýda.
