Pandemiiany toqtatýdyń jáne jańa omikron shtamynan qorǵanýdyń jalǵyz joly - revaktsinatsiia. Bul týraly óńirlik kommýnikatsiialar qyzmetiniń baspasóz máslihatynda «Jas qanat» ortalyǵy bas dárigeriniń orynbasary Qarlyǵash Beisbaeva málim etti, dep habarlaidy QazAqparat.
Onyń aitýynsha, búginde Almatyda revaktsinatsiiadan 55 192 turǵyn ótti.
Úshinshi vaktsinatsiiaǵa aqpan men naýryz ailarynda alǵashqylardyń biri bolyp egilgender keledi.
Qarlyǵash Beisbaeva revaktsinatsiia – meditsinadaǵy qarapaiym norma ekenin tilge tiek etti.
«Bul - vaktsinalanýdan keiin alynǵan immýnitetti saqtaýǵa baǵyttalǵan qaita egý. Protsedýra údetkish inektsiia dep te atalady, iaǵni «kúsheitý». Alty ai ótkennen keiin vaktsinalanýdyń tolyq kýrsyn alǵan adamdarǵa bir márti bir doza egiledi», - dep túsindirdi «Jas qanat» AMSK ortalyǵy basshysynyń orynbasary.
Úshinshi vaktsinatsiiadan keiin adam aǵzasy bakteriiamen nemese virýspen birneshe ret soqtyǵysqan kezde onymen qalai kúresý kerektigin «biletin» naqty antideneler shyǵarady.
Megapolis klinikalarynda bar preparattarmen qaita vaktsinalanýǵa bolady. Olardyń barlyǵy óz tiimdiligin kórsetti.
Sozylmaly aýrýlary bar adamdarǵa revaktsinatsiiaǵa asyǵý óte mańyzdy, olarda koronavirýs juqtyrǵan kezde asqynýlar jii kezdesedi.
Qarlyǵash Beisbaeva «omikron» álemde óte tez taralatynyn moiyndady, sondyqtan dárigerlerdiń usynystaryna qulaq asyp, revaktsinatsiia qajettigin eske salady.
Jasóspirimder men júkti áielderge vaktsinatsiia jasaý óte mańyzdy.
Búginde Comirnaty kompaniiasynyń preparatymen Almatynyń 28 173 turǵyny egildi, onyń ishinde 1 540 júkti áiel, 5 612 bala emizetin ana jáne 21 021 jasóspirim.
«Jasóspirimder – gormonaldy ózgeristeri bar balalardyń erekshe toby. Jas balalardan aiyrmashylyǵy, olarda aýrý qaýpi joǵary, sonymen qatar olar - áleýmettik belsendi jáne infektsiianyń qozdyrǵyshy. Aita ketsek, koronavirýs aiasynda balalarda ishki múshelerge áser etetin Kavasaki kópjúieli qabyný sindromy paida bolýy múmkin, osyǵan bailanysty biz ata-analarmen áńgimelesip, 12 jastan 18 jasqa deiingi jasóspirimderdi Pfizer kompaniiasy shyǵarǵan vaktsinany alýǵa shaqyramyz», - dedi dáriger.
Spiker Jańa jyl merekesin úide ótkizýge keńes berdi.
