Úndistan elinde indetke shaldyqqan adamdar sany 1 millionnan asty, al Braziliiada aýrýǵa shaldyqqan 2 million adam tirkelgen, AQSh-ta bir táýlikte aýyrǵan adamdardyń rekordtyq sany jańartyldy.
Djon Hopkins ýniversitetiniń málimetinshe, pandemiia bastalǵannan beri koronavirýsty 13,8 mln adam juqtyryp, 590 myńnan astam adam qaitys bolǵan.
Covid-19 zardaptary týraly sońǵy málimetterdi VVS agenttigi habarlady.
Úndistan aýrýǵa shaldyqqan adamdar sany jaǵynan AQSh pen Braziliiadan keiin úshinshi orynda tur. Halyq sany 1,3 mlrd adamdy quraityn el úshin indet juqtyrǵan bir million adam aitarlyqtai kórsetkish emes bolyp kóringenimen, aýrýdyń taraý jyldamdyǵy sonshalyq, eldiń densaýlyq saqtaý salasyna aýyr salmaq túsýi múmkin.
Braziliiada indetke shaldyqqan 2 millionnan astam adam tirkelgen, virýstyń qarqyny baiaýlamai otyr.
Braziliia halqynyń sany – shamamen 210 mln adam. Aýrý juqtyrǵandar sany jaǵynan AQSh-tan keiin ekinshi orynda tur. Bir apta buryn koronavirýsqa test tapsyrǵan prezidenti Jair Bolsonarýdyń aýrýǵa shaldyqqany rastalǵanymen, ol virýstyń qaýipti emes ekenin dáleldeýge tyrysýda.
Resmi statistika boiynsha, Covid-19 Braziliiada 74 myńnan astam adamnyń ólimine sebep bolǵan, biraq aýrýdan kóz jumǵandar sany áldeqaida kóp bolýy múmkin.
AQSh-ta pandemiia bastalǵaly bir táýlik ishinde aýrý juqtyrýdyń jańa rekordtyq kórsetkishi tirkelgen (74,5 tys. oqiǵa). Djon Hopkins ýniversitetiniń málimetinshe, endi elde aýrýǵa shaldyqqandar sany 3,57 mln adamnan asyp otyr.
Indet juqtyrýshylar sanynyń ósimi 30 shtatta baiqaldy. El boiynsha Covid-19 virýsynan bir táýlikte myńǵa jýyq adam qaitys bolǵan. Pandemiia bastalǵaly koronavirýs 138 myńnan astam adamnyń ómirin qiyp áketti.
