Qazaqstanda keiingi bir táýlikte 7899 adamnyń PTR-test qorytyndysy olarǵa koronavirýs juqqanyn anyqtaǵan. 128 naýqas qaitys bolǵan.
Densaýlyq saqtaý ministrligi taǵy 426 adamǵa koronavirýs pnevmoniiasy diagnozy qoiylǵanyn, 30 adamnyń qaitys bolǵanyn habarlady.
Koronavirýs juqtyrǵandar sany Almaty (1506), Nur-Sultan (1493) qalasy men Qaraǵandy oblysynda (1008) kóp. "Jasyl aimaqtaǵy" Túrkistan oblysynan basqa oblystar men iri qalalardyń barlyǵy koronavirýs qaýpine bailanysty qazir "qyzyl aimaqta" tur.
Elde indet bastalǵaly beri 626 412 adamnyń PTR testi oń shyqqan.
7 tamyzdaǵy málimet boiynsha, elde 109 163 adam koronavirýs infektsiiasynan (–105 454 + jáne 3 709 KVI-) emdelip jatyr. Olardyń ishinde 29 961 patsient statsionarda, 79 202 naýqas ambýlatoriialyq deńgeide em qabyldap júr.
KVI+, KVI- shaldyqqandardyń arasynda:
1 871 adamnyń jaǵdaiy aýyr,
416 patsienttiń jaǵdaiy óte aýyr,
191 naýqas ÓJJ apparatynda jatyr.
Al 2020 jyldyń 1 tamyzynan beri koronavirýs pnevmoniiasy degen diagnoz qoiylǵandar 62 990 adamǵa jetti. 3870-i kóz jumdy.
Keiingi málimet boiynsha, Qazaqstanda qazirge deiin 4,3 mln-nan astam adam vaktsinanyń eki komponentin alǵan, al birinshi dozasyn alǵandar sany - 5,7 mln-ǵa jýyqtady. Qazir elde negizinen reseilik "Spýtnik V", qazaqstandyq QazVac vaktsinasyn egip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 200 mln-nan astam adamǵa koronavirýs juqqan, 4 mln adam qaitys bolǵan.
