QR Bas memlekettik sanitarlyq dáriger Aijan Esmaǵambetova koronavirýs simptommen ótip jatqan naýqastardan qaýip qai kezde joǵary bolatynyn túsindirdi, dep habarlaidy QazAqparat.
«Koronavirýs paida bolǵanda, infektsiianyń qalai taralatynyn, qanshalyqty juqpaly ekenin, qalai emdeý kerektigin eshkim bilgen joq. Bul tájiribeniń barlyǵy jinaqtaldy. 18 mln halyqqa shamamen 1 mln test jasaldy. Test júrgiziletin toptardy únemi keńeitip otyrdyq. Bul, simptomsyz naýqastardy anyqtaýǵa kómektesti. Tipti simptomsyz naýqastar sany kóbeiip, 80% jetti. Álemniń kóptegen elderi mundai testileýdi áli júrgizgen joq», - dedi Bas sanitarlyq dáriger Facebook-te ótken onlain-brifingte.
Sonymen birge, spiker simptomdy naýqastar 11-kúnnen keiin ainalaǵa qaýipsiz bolatynyn jetkizdi.
«Simptomsyz naýqastardy anyqtaý arqyly infektsiianyń qoǵamǵa qalai taralatynyn baǵaladyq. Jinaqtalǵan tájiribeler naýqastar aýrý belgileri baiqalǵansha – alǵashqy eki kún, baiqalǵan soń 7 kún aralyǵynda ainalasyna qaýip týdyratynyn kórsetti. Iaǵni, 11-kúnnen keiin ainalaǵa qaýip azaiady. Bul jerde test oń nátije kórsetýi de múmkin», - dedi A. Esmaǵambetova.
