Qorǵanys vitse-ministri Timýr Dándibaevtyń pikiri boiynsha, Qazaqstan Ortalyq Aziia elderine áskeri kontingentin jiberýge daiyn. Ol bul týraly búgin jýrnalisterge baiandap, Qazaqstan Aýǵanstanmen shekaradaǵy jaǵdaidy retteýge qatysty josparlarymen bólisti, - dep habarlaidy «Ult aqparat».
Vitse-ministrdiń aitýynsha, Qazaqstan Ujymdyq qaýipsizdik sharty uiymynyń (UQShU) bir múshesi shtabqa kómek kórsetý jóninde ótinish túsirýi jáne parlament jáne Ujymdyq qaýipsizdik keńesi deńgeiinde ortaq sheshim qabyldanýy siiaqty birneshe shart qoiý arqyly, Ortalyq Aziia elderine áskeri kontingentin jiberýge daiyn bolyp otyr.
Dándibaevtyń aitýynsha, Qorǵanys ministrligi Aýǵanstan tóńiregindegi jaǵdaidy jiti qadaǵalap otyr.
«Aýǵanstandaǵy jaǵdaiǵa bailanysty aitarym... sheteldik áriptesterdiń qorǵanys vedomstvolary men aimaqtyq uiymdarmen de ózara áreket etý máselesin qarastyryp jatyr. Sol sebepti bul baǵytta naqty birdeńe dep aitý qiyn. Jaǵdaidy baqylap otyrmyz, sáikesinshe sharalar qabyldaimyz», – dedi Dándibaev.
Ózderińiz biletindei, AQSh jáne NATO Aýǵanstannan áskerin shyǵara bastaǵan tusta «Taliban» ekstremistik toby shabýyldy kúsheitip otyr. Sońǵy aqparatqa qaraǵanda, tálipter Túrkimenstan jáne Iranmen shekaraǵa jaqyn taǵy eki qalany basyp alǵan. Alaida qazaqstandyq jas saiasattanýshy Ashat Hasenǵali qalany basyp aldy degen aqparat negizsiz ekenin aitady.
«Taliban Aýǵanstannyń Qandaǵar qalasyna shabýyl jasap jatyr. Qalany basyp aldy degen aqparat negizsiz, biraq shabýyldyń bolyp jatqany anyq.
Qandaǵar Aýǵanstannyń ekinshi iri qalasy. Halyq sany 1 mln shamasynda. Aýǵanstannyń arnaiy jasaqtary da qalada bar. Jetkilikti. Qazir qiian-keski shaiqas bolyp jatyr. Sodyrlar eki baǵytta shabýyl jasap, qalanyń shetki aýyldaryna kirip ketkeni aitylýda. Myna qarqynmen osy aida qalany alady. 2001 jylǵa deiin tálipterdiń bas shtaby osy qalada bolǵan, keiin ony Batystyq kúshter basyp aldy», - dedi saiasattanýshy Ashat Hasenǵali.
Saiasattanýshy Qandaǵardan keiin Kabýl ekenin boljap, 31-tamyzǵa deiin AQSh áskeri Aýǵanstannan tolyq ketetinin aityp otyr. Esterińizde bolsa, búgin bul týraly AQSh Prezidenti Baiden de aitqan bolatyn.
Al Batys elderiniń koalitsiiasy qyrkúiektiń ortasyna deiin áskerin tolyq áketýdi josparlasa, Aýǵanstanda radikaldy dini toptardyń kúsheiýi kórshi Ortalyq Aziia elderin alańdatyp otyr.
Tájik biliginiń aitýynsha, qazir Aýǵanstanmen shekaradaǵy ortaq syzyqtyń úshten ekisi radikaldy dini topqa qaraidy. Onyń jalpy uzyndyǵy – 1350 shaqyrym.
«Bilik halyqtyq jasaqtar qurýdy jyldamdatýda. Óitkeni Taliban eldiń úshten bir bóligin ózine qaratyp úlgerdi. Muny kórgen áielder ózara birigip, «áielder jasaǵyn» quryp jatyr. Olar Taliban jaýlap alǵanda «áiel quqyǵy» degen sóz máńgilikke óshetinin jaqsy biledi», - deidi saiasattanýshy.
Al Qazaqstannyń Qorǵanys ministrligi Aýǵanystandaǵy elshilik pen qandastardyń jaǵdaiy baqylaýda ekenin aityp sendirip otyr. Keiinnen Qazaqstannyń Aýǵanstandaǵy elshilgi qorǵaýǵa alynyp, ondaǵy memlekettik qyzmetkerlerge eshqandai qaýip joq ekeni habarlandy.
Esterińizge sala keteiik, Búgin Qorǵanys vitse-ministri Timýr Dándibaev jýrnalisterge arnalǵan baspasóz jiynyn ótkizip, Qazaqstan Aýǵanstanmen shekaradaǵy jaǵdaidy retteýge qatysty josparlarymen bólisti. Vitse-ministrdiń aitýynsha, Qazaqstan Ujymdyq qaýipsizdik sharty uiymynyń (UQShU) bir múshesi shtabqa kómek kórsetý jóninde ótinish túsirýi jáne parlament jáne Ujymdyq qaýipsizdik keńesi deńgeiinde ortaq sheshim qabyldanýy siiaqty birneshe shart qoiý arqyly, Ortalyq Aziia elderine áskeri kontingentin jiberýge daiyn bolyp otyr. Timýr Dándibaevtyń aitýynsha, Qorǵanys ministrligi Aýǵanstan tóńiregindegi jaǵdaidy jiti qadaǵalap otyr. Sondai-aq, Qazaqstannyń Aýǵanstandaǵy elshilgi qorǵaýǵa alynyp, ondaǵy memlekettik qyzmetkerlerge eshqandai qaýip tónip turǵan joq.
