Foto: Qorǵanys ministrligi
Áleýmettik jelilerde Qazaqstan Respýblikasy Qorǵanys ministriniń elimizdiń áýe keńistigi arqyly áýe kemeleriniń ushyp ótýine qatysty resmi málimdemesi retinde usynylǵan beinerolik taralýda, dep habarlaidy Ult.kz.
Quzyrly organdardyń málimetinshe, atalǵan beinematerial shyndyqqa sáikes kelmeidi. Video jasandy intellekt tehnologiialaryn (deepfake) paidalaný arqyly jasalǵan, al ondaǵy daýys burynǵy suhbat jazbalary negizinde qurastyrylǵan.
Taratylyp jatqan aqparat qorǵanys vedomstvosynyń resmi ustanymyn bildirmeidi.
Mamandar buqaralyq aqparat quraldary ókilderi men áleýmettik jeli qoldanýshylaryn tek resmi derekkózderge senýge jáne tekserilmegen málimetterdi taratpaýǵa shaqyrdy.
Qoldanystaǵy zańnamaǵa sáikes jalǵan aqparat taratý jaýapkershilikke ákep soǵatyny eske salyndy.
