Qorǵanys vedomstvosynyń basshysy Shyǵys Qazaqstan oblysyna jumys saparymen baryp, Semei men Jańǵyztóbe áskerleriniń tynys-tirshiligine qatysty negizgi máselelerdi qarady, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Semei garnizonynda general-leitenant Nurlan Ermekbaev mehanikalandyrylǵan jáne artilleriia brigadalarynyń oqý-materialdyq bazasymen tanysty.
Qorǵanys ministrine jaýyngerlik basqarý synyptaryn, artilleriia atysyn basqarý jáne atys trenajerlaryn, sonymen qatar bólimder aýmaǵyndaǵy jabdyqtalǵan atys tirin kórsetti. Komandirlerdiń baiandamasyna sáikes olardy qoldaný jaýyngerlik daiarlyq sabaqtarynyń qarqyny men sapasyn arttyrýǵa yqpal etedi. Jaqynda bólim aýmaǵynda jabdyqtalǵan atys qarýyna arnalǵan poligondaǵy ashyq tirde sabaqtar tekserildi.
Sońǵy ýaqytta barlyq óńirlik qolbasshylyqtarda jáne qarýly kúshter túrlerinde ónertapqyshtyq jumystar belsendi damýda. Semei garnizony áskeri qyzmetshileri jasaǵan kóptegen ázirlemelerimen tanysqan ministr laýazymdy tulǵalardyń oqý-materialdyq bazany jetildirý jónindegi bastamasyn atap ótti. Nurlan Ermekbaev barlyq áskeri bólimderde osyndai jumysty uiymdastyrý qajettigin aityp, Qarýly Kúshterde úzdik ónertapqyshtar konkýrsyn uiymdastyrýdy tapsyrdy.
Sapar barysynda oq-dárilerdi saqtaý qoimalarynyń diversiiaǵa jáne órtke qarsy qaýipsizdigin qamtamasyz etý jaǵdaiy tekserildi. Qorǵanys vedomstvosynyń basshysy qoimalar men saqtaý bazalary janyndaǵy tyiym salynǵan aýdandardyń shekaralaryn naqtylaý jumystaryn jedeldetýdi tapsyrdy. Budan ózge, ministr áskeri nysandarǵa jaqyn ornalasqan sharýashylyq sýbektilerimen jumys júrgizýge tiisti jergilikti atqarýshy organdarmen ózara tyǵyz is-qimyl uiymdastyrýdy eskertti.
Qarýly Kúshterde azamattyq infraqurylym men turǵyndar úshin áskeri obektilerdiń qaýipsizdigin qamtamasyz etýde júieli jumys júrgizilýde. Qorǵanys ministrliginiń bastamasymen 2020 jyly zańǵa qajetti ózgerister ázirlenip, engizilgen. Tyiym salynǵan aimaqtar men aýdandardy naqtylaýdy esepteý ádistemesi qabyldandy.
Qazirgi kezde jergilikti atqarýshy organdarmen birlesip tyiym salynǵan aimaqtardy apatty jaǵdaidan jáne zańsyz qurylystardan bosatý jumystary júrgizilýde.
Osy oraida «Jol kartasy» baǵdarlamasy ázirlenip, iske asyrylýda. Oq-dárilerdiń jekelegen túrleri eldi mekenderden alys qoimalarǵa kóshirilip, saqtaý obektilerin jabdyqtaý men jóndeý júrgizilýde.
Budan ózge, alǵash ret qorǵanys vedomstvosy áskeri tehnikalarǵa keshendi túgendeý júrgizip, onyń jaǵdaiyna baǵa berdi. Paidalaný merzimi ótken jáne paidalanylmaityn áskeri múlik ári qarai joiý nemese kádege jaratý úshin ýákiletti organnyń vedomstvolyq (Indýstriia jáne infraqurylymdyq damý ministrliginiń) uiymdaryna beriledi.
Mehanikalandyrylǵan brigadanyń jaýyngerlik daiarlyq barysy derbes tekserildi. Qazirgi ýaqytta mamandyq boiynsha oqý júrgizilýde. Onyń aiasynda barlyq áskeri qyzmetshiler ózderine bekitilgen tehnika men qarý-jaraqty, atqaratyn laýazymy boiynsha mindetterdi oryndaý kezindegi is-qimyl tártibin zerdeleidi. Ministr sabaqtardyń sapasyna jáne jaýyngerlik oqý-jattyǵý nátijeleriniń naqty baǵalanýyna nazar aýdardy.
Qorǵanys vedomstvosynyń basshysy sondai-aq, Shyǵys-Qazaqstan oblysyndaǵy jergilikti basqarý organdarynyń áskerge shaqyrý naýqanyn uiymdastyrýymen tanysty.
Áskeri bólimderdi aralaý barysynda Qorǵanys ministri 2021 jyldyń kókteminde merzimdi áskeri qyzmetke shaqyrylǵan áskeri qyzmetshilerimen áńgimelesti. Jas jaýyngerler áskeri qyzmetten alǵan alǵashqy áserlerimen bólisti. Ásirese, jaýyngerlik oqý-jattyǵý, áskeri ómirdiń qaǵidalary, tamaqtaný sapasy, bos ýaqyt pen demalysty uiymdastyrý týraly aitty. General-leitenant Nurlan Ermekbaev sarbazdardy qyzyqtyrǵan suraqtarǵa, onyń ishinde kelisimshart boiynsha áskeri qyzmetti jalǵastyrý men áskeri oqý oryndaryna túsý múmkindikteri jóninde anaǵurlym kóp kóterilgen taqyryptarǵa jaýap berdi.
