Almaty Ftiziopýlmonologiia ortalyǵynyń juqpaly aýrýlar bóliminiń meńgerýshisi, ftiziohirýrg, pýlmonolog Abzal Malbasqanov koronavirýsqa qatysty onlain suhbat ótkizdi, dep habarlaidy "Ult aqparat".
Maman halyq arasynda taralǵan ótirik-shyny aralas gipotezalarǵa da túsinik berdi.
«Konditsioner únemi jedel ótkir virýstyq respiratorly aýrýǵa shaldyqqan, sýyq tigen adamnyń jaǵdaiyn odan ári asqyndyrýy múmkin faktorǵa jatady. Kóshede, ofiste, kólikte 35-40 gradýs ystyq bolǵan jaǵdaida, adamdar salqyndaý úshin konditsioner ornatady. Ystyqtap kelip, salqyn ǵimaratta salqyndaǵan adam qaitadan ystyqqa shyqqanda, adam aǵzasynda temperatýra aýytqidy. Bul immýnitettiń álsireýine ákelýi múmkin», - dedi A.Malbasqanov.
Onyń aitýynsha, adam túrli infektsiiany juqtyrmaý úshin konditsioner filtrin ýaqytynda aýystyryp turýy tiis. Bólme tabiǵi jolmen jeldetilip tursa – eń abzaly bolmaq.
«Konditsioner qosqanda biz esik-terezeni jaýyp júremiz. Apparat bir bólmedegi aýany ǵana almastyrady. Sondyqtan konditsioneri bar bólmede de virýs juqtyrý yqtimaldyǵy joǵary. Ásirese filtri aýyspaǵan jaǵdaida. Sebebi eski filtr klebsiella, legionella bakteriialaryn taratýy múmkin. Olar - las jerde ósetin mikroorganizmder. Bul bakteriialar da pnevmoniiaǵa ákeledi», - dedi ol.
