Foto: Videodan skrinshot
Jelide Qazaqstandaǵy korporativterdiń birinde bolǵan oqiǵa qyzý talqylanýda. Baiqaý qatysýshylaryna ázil retinde daiashynyń aiaq kiimin alyp kelý tapsyrylǵan. Alaida jaǵdai baqylaýdan shyǵyp ketken, dep habarlaidy Ult.kz.
Kýágerlerdiń aitýynsha, qatysýshylar qyzmetkerdiń aiaq kiimin kúshtep sheship alǵan. Saldarynan kóńildi oiyn jaǵymsyz jaǵdaiǵa ulasqan.
Kýágerler daiashy qyzdyń abdyrap, qatty kúizeliske túskenin aitady. Oqiǵa kópshiliktiń kózinshe bolǵandyqtan, ol ózin jaisyz sezinip, moraldyq turǵydan aýyr qabyldaǵan. Kóńildi baiqaý ol úshin qorlyq pen emotsiialyq kúizeliske ainalǵan.
Oqiǵa túsirilgen video áleýmettik jelilerde úlken rezonans týdyrdy. Kóptegen qoldanýshylar mundai «oiyn-saýyq» shekten shyǵyp, qyzmet kórsetý salasyndaǵy qyzmetkerlerge qysym kórsetýge ákelýi múmkin ekenin jazýda.
Uiymdastyrýshylar tarapynan ázirge resmi túsinikteme berilgen joq. Alaida jelidegi talqylaý jalǵasýda.
