Áigili keńestik jáne reseilik kardiolog, Resei Ǵylym akademiiasynyń akademigi Evgenii Chazov 92 jasynda qaitys boldy. Bul týraly Reseidiń Densaýlyq saqtaý ministrliginiń saitynda jazyldy, - dep habarlaidy Tengrinews.kz agenttigi.
Burynǵy KSRO keńistiginde jáne shetelde joǵary dárejeli saiasatkerlerdiń birneshe urpaǵy Evgenii Chazov basqarǵan KSRO Densaýlyq saqtaý ministrliginiń 4-bas basqarmasyna emdelýge baratyn. Olardyń arasynda - Qazaq KSR Kompartiiasy OK birinshi hatshysy Dinmuhamed Qonaev jáne KOKP OK bas hatshysy Leonid Brejnev te bar.
RIA Novosti aqparaty boiynsha, 2002 jyly Evgenii Chazov Qazaq ulttyq meditsina ýniversitetiniń qurmetti professory atandy.
"Osylai kóńil bólip jatqandaryńyz erekshe unaidy, bul maǵan jas kezimdegi respýblikadaǵy jumysymdy, qazaqstandyq kóshbasshy Dinmuhamed Qonaevty emdegen kezimdi eske túsiredi", - degen edi Chazov.
Lenta.rý málimetinshe, ǵalym miokard infarkti bar naýqastardy emdeýdiń jańa ádisterin engizdi, Reseide, TMD elderinde jáne alys shetelde áli de qoldanylatyn trombozdardy emdeýdiń tásilderin jasaǵan. Akademik tromb eritetin, iaǵni fibrolizin preparatyn ózine synap, tájiribe júrgizgen. Trombolitikalyq terapiia myńdaǵan adamnyń ómirin saqtap qalǵan. Osy jumysy úshin Chazovqa 1982 jyly Lenindik syilyq berildi.
Chazov 2008 jyldan bastap Densaýlyq saqtaý ministrliginiń Saraptamalyq keńesiniń múshesi jáne Resei Densaýlyq saqtaý ministrliginiń bas kardiology boldy.
