QR Bilim jáne ǵylym ministrliginiń bilimdi tsifrlyq transformatsiialaý departamentiniń direktory Qanat Kenbai kolledjderge Egov arqyly qalai ótinim berýge bolatynyn túsindirip berdi, dep habarlaidy "Ult aqparat".
«Bilim jáne ǵylym ministrligi biyl Egov.kz portaly arqyly elektrondy formattaǵy qyzmetti iske qosty. Portalda «Bilim» aidary bar. Oǵan enseńiz «Kolledjder» bólimin tańdaisyz. Artynsha, «Tehnikalyq jáne kásiptik bilim úshin qujattardy qabyldaý» atty bólim shyǵady. Soǵan basý arqyly qosymsha qandai qyzmetterdi alýǵa bolatynyn da kórýge bolady. Biz olardyń árin biriktirip, ońtailandyrdyq», - dedi Qanat Kenbai Bilim jáne ǵylym ministrliginiń onlain konferentsiiasynda.
Onyń aitýynsha, búginge deiin 140 ótinim qabyldanyp ta qoiǵan.
«Bul júie tirkelip, avtorizatsiialaý júiesinen ótýge múmkindik beredi. Osydan keiin júie ótinim berýge múmkindik jasaidy. Osydan keiin Egov ótinimdi bizge, iaǵni Bilim jáne ǵylym ministrligine joldaidy. Bul – ótinimderdiń ortalyqtandyrylǵan qabyldaý júiesi. Qandai ótinimderdiń túskenin ministrlik kórip otyrady», - dedi Qanat Kenbai.
