QR Kóliktegi bas sanitar dáriger Sádýaqas Baiǵabylov azamattarǵa qazan aiynyń basyna deiin shetelden elge oralýǵa keńes berdi, dep habarlaidy QazAqparat.
«Azamattarǵa aitarym, shetelge shyqqysy kelip júrgender nemese shetelde júrgender qazan aiynyń basyna deiin Qazaqstanǵa oralǵany abzal. Bárimiz de aýrýdyń órshý yqtimaldyǵyn kútip otyrmyz. Shetelde qalyp qalmasa eken deimiz. Sebebi kún sýyǵan ýaqytta koronavirýs juqtyrý faktileri jiileýi múmkin», - dedi Sádýaqas Baiǵabylov.
QR Kóliktegi bas sanitar dáriger sonymen birge otandastarymyzdyń bárin sanitariia talaptary men erejelerdi saqtaýǵa shaqyrdy.
«Saqtyq sharalary men áleýmettik qashyqtyqty ustaný kerek. Azamattar kóliktegi qaýipsizdik belbýi sekildi maska taǵyp júrýi tiis. Erejege baǵynbasa qiyn. Halyq máseleniń ózektiligin sezine otyryp, ózi úshin ǵana emes, týǵan-týystary, jaqyndary úshin jaýapty ekenin umytpaýy kerek», - dedi ol.
