Foto: chatgpt generatsiiasy
Almaty qalasyndaǵy Alataý kentinde janýarǵa qatygezdik kórsetýge bailanysty rezonansty oqiǵa boldy – itti kólikke bailap, jol boiymen súiretip ketken, dep habarlaidy inAlmaty.kz-ke silteme jasap Ult.kz.
Bul týraly jergilikti turǵyndar málimdedi.
Oqiǵanyń kýágeri Ekaterinanyń aitýynsha, jaǵdai «Radýga» shaǵynaýdany jaǵynan «Alma» saiajailary baǵytyna qarai aparatyn jolda bolǵan. Alda kele jatqan Suzuki markaly avtokólikke it shynjyrmen bailanǵan. Onyń artynan janýardyń iesi otyrǵan Chery markaly kólik júrgen. Kýágerlerdiń aitýynsha, ol bolyp jatqan jaǵdaidy kórgenimen, kólikti toqtatpaǵan.
Jaǵdaidy alǵash bolyp jergilikti turǵyn áiel baiqap qalǵan. Ol kólikterdi qýyp jetip, Suzuki kóliginiń aldyn kesip, júrgizýshini toqtaýǵa májbúrlegen. Osydan keiin politsiia qyzmetkerlerin shaqyrǵan.
Oqiǵa ornyna quqyq qorǵaý organdary kelip, faktini tirkedi jáne aryz qabyldandy. It tekserý jáne yqtimal jaraqattardy anyqtaý úshin veterinarlyq klinikaǵa jetkizildi. Aldyn ala málimet boiynsha, janýar mamandardyń baqylaýynda bolady, ielerine qaitarylmaidy.
Materialdar qalalyq politsiia basqarmasyna joldandy. Oqiǵa týraly tiisti qyzmetter men ákimdikke de habar berilgen. It tiri jáne qaýipsiz jerde. Oqiǵanyń mán-jaiy anyqtalýda.
Almaty qalalyq politsiia departamenti bul derek boiynsha tekserý júrgizilgenin, kólik iesiniń jeke basy anyqtalǵanyn habarlady.
«Ol janýarlarǵa qatygezdik kórsetkeni úshin mindetti túrde ákimshilik jaýapkershilikke tartylady», – dep atap ótti vedomstvo.
Politsiia departamenti janýarlarǵa qatysty zorlyq-zombylyqtyń kez kelgen faktisi belgilengen tártippen tirkelip, tekseriletinin eske saldy.
