Nur-Sultan qalasynyń ákimi Altai Kólginov qaladaǵy epidemiologiialyq jaǵdaidyń qiyndai túskenin aitty, dep habarlaidy "Ult aqparat".
«Qazir epidemiologiialyq jaǵdai kúrdeli kúiinde qalyp otyr. Maýsym aiynyń basynda aýrý juqtyrý sany tómendegen edi, táýligine shamamen 100-110 jaǵdai anyqtalatyn jáne «qyzyl» aimaqtan shyǵýymyz kerek edi. Biraq «Delta» shtamy paida bolyp, qazir aýrý kúrt óskenin baiqap otyrmyz. Búgin 678 jaǵdai tirkelip otyr. Sanitarlyq dárigerler qosymsha shekteý sharalaryn qabyldady. Bul májbúrli shara. Biz densaýlyq saqtaý júiesin aitarlyqtai jańǵyrttyq», - dedi Kólginov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, qaladaǵy 14 statsionarda 2 myń tósek-oryn bolsa, onyń 75%-ynda naýqastar jatyr.
«Kún saiyn Nur-Sultan statsionarlaryna 200-ge jýyq naýqas túsedi. Zerthana sany 2-den 27-ge deiin ulǵaityldy. Pandemiia basynda test kóp júrgizilmeitin, al qazir táýligine 10 myńǵa deiin test jasalady», - dedi elorda ákimi.
