Ekologiia, geologiia jáne tabiǵi resýrstar ministri Maǵzum Myrzaǵaliev elordanyń turmystyq qaldyqtaryn órteitin zaýyttyń qaida salynatynyn aitty, dep habarlaidy "Ult aqparat".
«Nur-Sultan qalasynyń turmystyq qaldyqtaryn órteitin zaýyttyń qurylysy qalanyń syrtynda josparlanǵan. Qazirgi poligonnyń aýdanynda salynady. Búginde ol jerde qoqys suryptaý jelisi ornatylǵan. Zaýyt dál sol jerde salynady», - dedi Maǵzum Myrzaǵaliev halyq aldyndaǵy eseptik kezdesýinde.
Sondai-aq, ol atalmysh zaýyt eýropalyq standarttar negizinde boi kóteretinin atady.
«Bul másele qatty alańdatyp otyrǵanyn túsinemin. Biraq bizdiń taraptan jan-jaqty ári tereń taldaýlar, zertteýler júrgizildi. Qazir bizde qoqystyń 82-83 paiyzy jerge kómiledi. Poligondar arqyly bul máseleni sheshe almaimyz. Elimizde 3,5 myńnan astam poligon bar. Sol poligondardyń 18 paiyzynyń ǵana ahýaly salystyrmaly túrde jaramdy. Sondyqtan, máseleni keshendi jáne júieli túrde sheshý kerek. Biz usynyp otyrǵan eýropalyq mehanizm osy máseleniń keshendi sheshim bolyp sanalady. Shvetsiia ekologiialyq turǵyda eń taza elderdiń biri ekenin bilesizder. Biraq sol elge Eýropanyń búkil elderinen ózen arqyly qaldyqtar keledi. Finliandiia týraly da osyny aitýǵa bolady. Sońǵy 10 jylda bul eldegi ekologiialyq júie de óziniń tiimdiligin kórsetti», - dedi ministr.
